<置頂提示>

2017都到六月了!我才敲出本年第一篇....ORZ
注目:
本BLOG雜亂,各種自便,不適者請按X,謝謝。◕‿◕。

2009年5月11日 星期一

(無主題 - 純粹發洩)

full of 廣東話,慎入。

  好唔開心,好唔開心,好唔開心。

  如果有機會比我決定全人類的命運,就全部去死啦,我死埋一份又如何!去死吧!

  好嬲,好憎人類的劣根性,都係果句,或者我都有份,但係唔代表我唔可以嬲,唔可以憎。

  呢一刻好想殺人,但係殺佢一個兩個未免太少了,冇過萬上億,我又覺得賠上我一條命仔唔值得我郁手,我唔係話我條命貴,而係要我出手,就唔可以死咁少人……

  好似係度教唆殺人添……打得幾行,都未發洩到d乜野,就心虛,真係衰極有個諳,唔怪得咁多人蝦,下下蝦到上心口……好想死,點解要係我!

  我冇殺過人呀!我冇鬧人呀!我冇害人呀!點解要咁對我呀!

  頭先房東打黎,果然,我總係走唔甩,按金不退,仲要比人鬧,幾千蚊比人斬到千幾蚊,仲要唔知幾時先肯比我,好似係度乞咁,果d錢係我架!
  咁無良,佢唔接電話都仲好,但係聽完電話要鬧你,話你,玩你,耍你……

  點解我要承受呢d野呢?多得前室友啦~~

  我冇辦法唔諗起佢,之前係怨,係痛,依架,有點恨了,恐怕十年都救唔到,當年我自己搵樓,因為佢一句承諾,我四出搵樓,唔敢話為左佢,但係佢都份有住呀,事前簽約什麼的,都係我一腳踢,天線、電話線、上網線全部我搞我比錢,然後連分流器都係我搵人搞,然後,走又唔出聲,然後,我今日仲要一條友頂房東的惡言惡語,仲要一個人面對損失,仲要一個人承受一切!

  當我開始有點恨意,半秒諗過:其實唔關佢事……
  然後我就爆粗,想打自己,兩個人住,憑咩所有野都係我揹上身?然後仲要比人鬧,佢有男友陪,有朋友陪,我呢?SEND個SMS出去,連一個回的都冇,哈!呢D就係傳說中的唔抵得人好,又唔反省下自己……

  我做咩要下下都反省自己,我比人鬧,我唔見左幾千蚊,私下係個BLOG遷怒一下肇事者都要反省?呢個咩世界!!!!!!!瘋世界XDDD (癲左)

--------------------------------------------------

同類標籤下的舊文 :

2 個留言被留下;而:

陳小姐 提到...

唉~~依個世界pk係好多架~~
我公司都唔少~~唔好理咁多啦~~
唔好放响心上面~~
過兩日我地去大吃特吃啦~~
飲飽食醉心情就會好架啦~~(^口^)

小風 提到...

唉....我淨係諗到遲D仲要同果條PK見面就不夠不爽啦>_<
我都唔想放係心,所以發洩出黎囉……

張貼留言

~留言區~
請不要大意的留言吧!